İNK və DAMMIB-də “Nəriman Nərimanov” monoqrafiyasının təqdimatı və elmi konfrans

İNK və DAMMIB-də “Nəriman Nərimanov” kitabının təqdimatı, elmi konfrans və Gürcüstandan gələn nüfuzlu qonaq ilə görüş keçirilib

10 yanvar 2019-cu il tarixində, İNK Mərkəzi Qərargahında – QHT Evində tanınmış ədəbiyyatşünas, publisist mərhum Vəli Məmmədovun ictimai-siyasi xadim, yazıçı, publisist, həkim Nəriman Nərimanov haqqında yazdığı monoqrafiyanın (iki dildə) təqdimat mərasimi baş tutdu!

Tədbirdə İNK baş katibi, YYSİB sədri, yazıçı-kulturoloq Aydın Xan Əbilov açdı. Kitab və N.Nərimanovun tarixi rolu haqqında məlumat veriləndən sonra Azərbaycan dövlət Himni səsləndi.
N.Nərimanov barədə qısa film nümayiş olunandan sonra söz İNK İH-nin sədri, DAMMİB l vitse-prezident və SİMİB rəhbəri Rasim Məmmədova verildi: o, geniş çıxışla məruzə etdi.
İNK və DAMM İB-də “Nəriman Nərimanov” kitabının təqdimatı və Gürcüstandan gələn nüfuzlu qonaqla görüşün əhəmiyyətini vurğulayan çıxışçı tanınmış ədəbiyyatşünas, publisist mərhum Vəli Məmmədovun ictimai-siyasi xadim, yazıçı, publisist, həkim Nəriman Nərimanov haqqında yazdığı monoqrafiyanın iki dildə – Azərbaycan və gürcü dillərində Tbilisidəki “Universal” nəşriyyatı tərəfindən işıq üzü görməsini yüksək dəyərləndirdi.
Daha sonra tarixçi alimlər və tədqiqatçılara söz verildi. Tarixçi alim Firdövsiyyə Əhmədova, BDU-nun dosenti, tarixçi-alim Kərəm Məmmədov, DAMM İB – İNK Gürcüstan təmsilçisi Əli Babayev,
Nəriman Nərimanov xatirə muzeyinin direktoru Kəmalə Hüseynova, İNK sədrinin müşaviri Elmar Həsənli və başqaları öz elmi məruzə və çıxışlarında tanınmış ədəbiyyatşünas, publisist mərhum Vəli Məmmədovun ictimai-siyasi xadim, yazıçı, publisist, həkim Nəriman Nərimanov haqqında yazdığı monoqrafiya barədə, tarixi şıxsiyyət olaraq gərgin fəaliyyəti haqqında fikirlərini böüşdülər. Bildirildi ki, iki dildə – Azərbaycan və gürcü dillərində Tbilisidəki “Universal” nəşriyyatı tərəfindən işıq üzü görən kitab ilk dəfə Bakıda 1957-ci ildə nəşr edilmişdir. Müəllif Bakı, İrəvan, Tbilisi, Odessa, Kiyev, Leninqrad (İndiki Sankt-Peterburq ) və Moskva şəhərlərinin arxiv və kitabxanalarında çalışmış, Nəriman Nərimanovun sağ qalan qohumlarını, tələbə yoldaşlarını, dostlarını tapmış, çoxlu qiymətli və maraqlı sənədlər, foto şəkilləri və xatirələr toplamışdır. İndi iki dildə olan bu kitab Gürcüstan Azərbaycanlıları Milli Konqresinin sədri Əli Babayevin təşəbbüsü və maliyyə dəstəyi ilə işıq üzü görmüşdür.
Nəriman Nərimanov Tiflisdə anadan olmuş, burda boya-başa çatmış, Qori Müəllimlər Seminariyasında təhsil almış, soydaşlarımızın yaşadığı Qızılhacılı kəndində bir neçə il müəllim kimi, Tiflisdə isə həkim kimi fəaliyyət göstərmişdir. Bütün bunları nəzərə alaraq kitabın gürcü dilinə tərcümə olunmasını və gürcü oxucularına da çatdırılmasını məqsədyönlü hesab edilib.
20 noyabr 1991-ci ildə erməni terrorizminin qurbanlarından biri olan, məlum vertolyot qəzasında həlak olan Vəli Məmmədovun gələn il yanvarın 7-də ad günüdür. Məhz elə həmin gün kitabın təqdimatını keçirmək və onun əziz xatirəsini yad edirik.

Nəriman Nərimanov haqqında monoqrafiya Azərbaycan və gürcü dillərində təkrar nəşr olunub.

İNK və DAMMİB-nin Analitik İnformasiya Mərkəzi

Paylaş